27.07.10 Tambarjentene til Norway Cup

Til Ekebergsletta: Tambar Fotball sitt jentelag 15/16 deltek i årets Norway Cup.

Tambar Fotball sitt jentelag 15/16 reiser fredag kveld til Oslo for å delta på årets Norway Cup. Turneringa er som kjent den største fotballturneringa som vert arrangert her til lands, der dei fleste kampane blir spela på den digre Ekebergsletta.

Laget reiser til hovudstaden med 14 spelarar og spelar sine kampar på søndag, mandag og tirsdag. Om laget får spele fleire kampar enn dette, gjenstår å sjå. Resultata blir lagt ut på websida til Norway Cup fortløpande når resultata er klare.

Dei innleiande kampane til jentelaget ser slik ut:

Vi ynskjer jentelaget lukke til med deltakinga i årets Norway Cup.

24.06.10 Fleire bilder frå Grodås Cup

Grodås Cup 2010. Foto: Geir Tommassen.

Vi har no fått ein ny ladning med bilder frå sist helgs Grodås Cup, og du kan no boltre deg med i overkant av 300 bilder her på sida.

Grodås Cup 2010. Foto: Tambar-Fotball
Grodås Cup 2010. Slide. Foto: Tambar Fotball
Grodås Cup 2010. Foto: Geir Tommassen.

24.06.10 Espen,Tina og Soffen nøgd med Grodås Cup

Tommel opp: Trenarar og lagleiar for J98 er godt nøgd med sist helgs Grodås Cup.

Trenarane for Tambar Fotball sitt J98, Espen Langedal og Tina Alisøy, samt lagleiar Solfrid "Soffen" Bygstad, er godt nøgd med laget i si deltaking på sist helgs Grodås Cup.

Les meir

23.06.10 A-laget tek ferie på 2.plass

Ny seier: Tambar Fotball sit 6.divisjonslag kunne innkassere nye tre poeng etter seieren mot
Tempo på tirsdag.

Tambar Fotball sitt A-lag vann den siste kampen i vårsesongen då dei slo Tempo 3-1 på Naustdal stadion sist tirsdag. Til pause var stillinga 3-0. Måla til Tambar vart sett inn av Tomas Andal, Jonas Sanbakk og Vegard Savland.

Tabell

23.06.10 Smågutane med 10 sigrar av 10 mulige

Ny seier: Smågutelaget tok sin tiande strake seier tirsdag. På bildet ser vi Gard Malones mot
Høyang i ein kamp spelt tidlegare i år.

Ingen lag har klart å tukte Tambar Fotball sitt smågtelag i vårsesongen, og tirsdag kveld tok laget sin tiande seier i årets serie. Trenar Vidar Kvalvågnes seier dette om lagets seier mot Høyang 2:

Tabell

21.06.10 Bilder frå Grodås Cup 2010

Sjå slidehow

Sjå alle bildene frå Grodås Cup 2010

20.06.10 Smågutelaget heilt til topps i Grodås Cup

Gullgutane: Smågutelaget til Tambar Fotball gjekk heilt til topps i årets Grodås Cup.

Dei seks laga som deltok i årets Crodås Cup i helga, gjorde alle ein framragande innsats og viste at laga frå Naustdalsbygda skal ein ikkje kimse av !

For smågutelaget vart det reprise på fjorårets, og året før der, der laget gjekk heilt til topps i sin klasse. Men det skulle bli ein meir spennande kamp enn både spelarar og ikkje minst trenar sette pris på. Førdelaget leda 1-0 til pause. Og då dei gjekk opp til 2-0 så det ut til at dei skulle kunne dra seieren i land. Men Tambargutane viste moral av høgste klasse, og kom tilbake med fine scoringar av Martin Skilbrei og Daniel Kvalvågnes på tampen av kampen. Dermed enda kampen 2-2. Dermed måtte det avgjerast ein vinnar på myntkast, der smågutane til Tambar Fotball tok den rette sida av kronestykket. Men uansett kva ein meiner om myntkast, smågutane våre vann ein vèl fortent seier og tok med seg både pokalen som vinnar i årets Grodås Cup og vandrepokalen etter seierar i klassen tre år på rad.

Alle resultata til Tambarlaga finn du her.
Bilder frå Grodås Cup 2010 kjem etterkvart.

Dreg til: Elly sparar ikkje på kruttet, og dreg godt til i denne situasjonen for Tambar Fotball sitt J98.

17.06.10 Tambar 1 tek sommarferie med full pott

Tambarkeeper: Tambar Fotball sitt G11, Tambar 1, har ni strake seierar i vårsesongen. Ein av
grunnane til det, er lagets keeper Ole Andrè. På bildet ser vi han i aksjon.

Tambar Fotball har hatt ein veldig flott vårsesong for dei aldersbestemte laga, der så og sei alle laga kjempar i det øvre sjikt eller på topp av tabellen. Både gutar,smågutar og småjenter toppar sine avdelingar, medan jentelaget hamna " midt på treet."

For dei yngre klassane, som ikkje oppererer med tabellar, viser også at det blir gjort eit framifrå arbeid med fotballen i desse laga i Tambar Fotball. Både G12, G11(1), G11(2) og J12 har vist at laga har hatt gode treningar i vinter/vår. I likheit med dei eldste aldersbestemte laga til Tambar Fotball, har også dei yngste kunne gå av bana med seier i dei fleste kampane sine.

Tambar 1, G11, har denne våren vunne alle sine kampar i serien. I går kveld møtte Tambargutane eit Førdelag i same situasjon, med berre seierar. Dermed var det duka for "toppkamp" på Halbrend gunstgrasbane. Trenar Jan Inge Rygg har sendt oss denne rapporten frå kampen:

" Onsdags kveld reiste vi til Førde og for å spele mot Førde 4. I likhet med oss var dette laget ubeseira før kampen, så dette vart oppfatta som ein av årets viktigaste kampar. Vi forventa oss sterk motstand og bestemte oss for å gjere det slik vi pleier, å gå sterkt ut frå start med hard jobbing og fokus på å la ballen gå raskt framover. Dette lukkast vi svært godt med i første omgang...." Les meir

17.06.10 G11 med storseier over Dale

Mange mål: Tambar Fotball sitt G11 2.lag vann stort mot Dale. Bildet er henta frå kampen mot
Gaular sist veke.

Det vart scora heile 18 mål då Tambar 2, klasse G11, møtte Dale til kamp på Naustdal stadion tirsdag kveld. Trenar for Naustdalsgutane, Oddvar Hukset, seier fyljande om kampen:

16.06.10 Sommarbildet

Småsøsken som var imponerte over innsatsen til tøffe spelar på Tambar G98 etter 8-6 sigeren over
Førde 5 . Tuva (til venstre) diggar storebror Hallvard Birkeland Stølsvik, og Vetle synest tydlegvis
at storebror Simon Indrekvam er flink og fortener litt ekstra vaffel. Foto: Ivar Longvastøl.

15.06.10 Småjentelaget valsa over Florø

Storscoraren: Iris Aase og småjentelaget spelte ein god kamp mot Florø i går. Iris scora heile seks
mål i kampen.

Tambar Fotball sitt småjentelag er til dei grader med i toppen av tabellen, etter at laget i går kveld vann bortekampen mot Florø. Etter dei sist spelte kampane har fire lag skilt seg ut på toppen, der alle lag har 18 poeng. Sjå tabell.

Ein svært nøgd småjentetrenar, Jan Magne Langedal, har sendt oss denne rapporten frå bortekampen mot Florø:

" Småjentene våre var mandag i Florø og spela kamp mot jentene på kystbyen. Kampen gjekk innandørs på kunstgras. Tambarjentene tok tak i kampen frå avspark. Med stor innsats og godt pasningspel rulla jentene våre opp eine angrepet etter det andre. Dei gule leda 3-0 etter få minutt, og fortsette å sette Florøjentene under press. " Les meir

14.06.10 Smågutelaget med ny seier

Fortsatt utan tap: Smågutelaget står fortsatt utan tap i årets serie. Ola Rognebakke
(t.h) scora eit mål i kveldens kamp. Arkivfoto.

Smågutelaget kom i går kveld att til Naustdal med sølvpokalen frå Selje Cup. Allerede i kveld var gutane i aksjon igjen, då dei møtte Førde 5 i seriekamp på Naustdal stadion. Og for det suverene smågutelaget til Tambar, fekk ikkje ei turneringshelg i Selje øydelegga for at den niende strake seieren vart eit faktum mot Førde 5 i kveld. Trenar Vidar Kvalvågnes seier fyljande om kveldens kamp:

Sjå tabell

13.06.10 Sølv til smågutelaget på Selje Cup

Sølvgutane: Tambar Fotball sitt smågutelag vann sølv i Selje i helga. Foto: Vidar Kvalvågnes.

Tambar Fotball sitt smågutelag og småjentelag gjorde ein glimrande innsats under helgas Selje Cup. Smågutelaget spelte seg heilt fram til finalen i A-sluttspelet, der det vart 3-1 tap for Herd 1. Rapport frå smågutane sine kampar kan du lese her. Småjentelaget vann sin bronsefinale 5-0 mot Leirgulen/Davik i B-sluttspelet.

Smågutelaget sine kampar på Selje Cup:

Småjentelaget sine kampar på Selje Cup:

12.06.10 Ny seier til Espen`s jenter

Ny seier: Ein nøgd trenar for Tambar Fotball sitt J12, Espen Langedal, kan konstantere at laget
fekk ein ny seier på torsdag.

Torsdag kveld tok Tambar Fotball sitt J12-lag imot Førde 1 på Naustdal stadion. Trenar for laget, Espen Langedal, har sendt oss denne rapporten frå kampen:

" Jentene held fram med å spele god fotball og er framleis på vinnarsporet. I kveld vart Førde 1 slege 4-3 på Naustdal Stadion. Thea har sett kursen mot Syden medan Hanna og Jenny oppheld seg for tida på Instedalen ilag med klassekameratane sine. I deira fråver lånte vi med oss Lena, Rebekka og Marie Emilie (alle fødd i 2000). Dei viste inga nåde og trødde til i duellane mot to år eldre motstandarar.

Vi opnar godt og kjem til mange store sjansar i opningsminuttane, men Førde-keeperen ....." Les meir

12.06.10 Tambarspelarar på sonelagsturnering

På sonelagssamling: Jentespelar Trine Einevoll og gutespelar Andreas
Aase er utteken til sonelagsturnering.

Sogn og Fjordane Fotballkrets arrangerer sonelagsturnering for spelarar i klassen 1995/96 i Førde i morgon, søndag 13.juni. To spelarar frå Tambar Fotball er utteken til sonelaget til Sunnfjord. Dei to spelarane er jentespelaren Trine Einevoll og gutespelaren Andreas Aase.

Vi ynskjer Trine og Andreas lukke til !

Meir info om sonelagsturneringa i Førde søndag 13.juni.

11.06.10 To Tambarlag deltek på Selje Cup i helga

Smågutelaget: Tambar Fotball sitt smågutelag deltek i helga på Selje Cup.

To lag frå Tambar Fotball deltek i helga på den tradisjonsrike Selje Cup. Både smågutelaget og småjentelaget har gode sjansar til å hevde seg, der begge laga har sine fyrste kampar i morgon tidleg.

Smågutelaget sine innleiande kampar:

Småjentelaget sine innleiande kampar:

Meir info om Selje Cup

11.06.10 Kampoppsett Kongleriket Cup i Svelgen

Kongleriket Cup: Kongleriket Cup vert arrangert i Svelgen komande søndag. Bildet er frå Kongleriket
Cup i Naustdal i år.

Kongleriket Cup vert arrangert i Svelgen komande søndag, 13.juni.

Kampoppsettet finn du her.

11.06.10 Ny spiss scora to mål

Ny spiss: Hallvard Birkeland Stølsvik spelar i år spiss på Tambar Fotball sitt G98-lag. Foto:Ivar
Longvastøl.

" Hallvard Birkeland Stølsvik har tidlegare spela mest i forsvar. I år får han prøve seg som spiss og putta på to mål mot Førde 5 på Naustdal stadion torsdag. Hard jobbing og ein god skotfot gir resultat!

I denne kampen var også to andre "ferskingar" som gjorde eit solid come back. Anders Herstad spela i forsvar og sette inn fleire sugande taklingar. Mathias Veien vart testa både som flankespelar på midtbana og som spiss, og han serverte mange gode pasningar.

Vi var førebudde på ein jamn og spennande kamp, og slik vart det også....." Les meir

09.06.10 Gutelaget laga målfest på stadion i kveld

Keepermål: Tambarkeeper Jacob Storevik holdt målet reint i kveldens gutekamp mot Førde 5.
I tillegg scora han eit mål for laget på straffespark.

Gutelaget hadde full kontroll på Førde 5 i kveldens kamp på Naustdal stadion. Til pause leda laget 5-0, og Tambargutane kunne gå av bana ved kampslutt med heile 9-0.

Dermed trygga dei plassen på tabelltoppen med 19 poeng, etter seks sigrar, ein uavgjort og eit tap. Det einaste tapet laget har fått, er mot Jølster. Og Jølster er laget som kan gå forbi Tambar på tabellen om dei vinn sine siste tre kampar. Sjå tabell.

Målscorarar for Tambar i kveldens kamp:Andreas(2), Henrik(2), Bjørnar, Andrè, Nicolai, Kristoffer og Jacob.

09.06.10 Jentelaget vann borte mot Hyllestad i kveld

Tambarjenter: Jentelaget vann i kveld bortekampen mot Hyllestad.

Tambar Fotball sitt jentelag vann i kveld bortekampen mot Hyllestad 3-0, etter å ha leda 2-0 til pause.

Jentene spelte ein god kamp mot laget frå Ytre-Sogn, og hadde bra kontroll på kampen. Tambar tok leiinga 1-0 ved toppscorar Trine Einevoll, medan småjentespelar og jentespelar Iris Aase la på til 2-0.

I andre omgang fastsette Terese Helle sluttresultatet til 3-0. Dermed har jentene spelt alle sine kampar for vårsesongen, som enda med tre seierar og fire tap. Neste kampar for jentelaget sin del, vert kampar på Ekebergsletta og Norway Cup i begynnelsen av august.

09.06.10 Småjentelaget fortsatt med i toppen

Ny seier: Småjentelaget tok ein ny seier sist mandag, mot Jølster.

Småjentelaget til Tambar Fotball heng fortsatt med i toppen av tabellen, etter at dei mandag vann 2-1 mot Jølster. Sjå tabell. Trenar Jan Magne Langedal har sendt oss fyljande etter seieren på Naustdal stadion:

" Mandag tok småjentene ein programmessig siger mot Jølster. Tambar vann 2-1 etter to fulltreffarar av Iris. 

08.06.10 Tambar og Anga delte poenga i kveld

Duell: Tambarforsvarar Villy Engebø i duell med Anga-Carlsen i kveldens kamp på stadion.

Tambar og Anga delte poenga då dei møttes til toppkamp på Naustdal stadion i kveld. Kampen enda 2-2 etter at laga gjekk til pause med stillingen 1-1.

Tambar-Anga 2-2 (1-1)

1-0 Anga ( 25`)
1-1 Sjølvmål ( 36`)
2-1 Jonas Sandbakk ( 62`)
2-2 Anga ( 77`)

Fyldig refferat finn du etterkvart på A-laget si heimeside.

Bilder frå kampen Tambar-Anga

Elegant: Tambar`s Thomas Teferi spelte ein god kamp mot Anga i kveld.

08.06.10 Toppkamp på Naustdal stadion i dag

I kveld er det duka for toppkamp på Naustdal stadion. Då møter Tambar tabelltoppen Anga til dyst i 6.divisjon avd.2. Begge lag ligg med 9 poeng, men der gjestane frå Førde har ein mindre spelt kamp.

Møt opp og heie Tambar fram til seier og tre nye poeng !

08.06.10 Mange seirar og mål til Tambarlaga i går

Storseier: Det vart storseier for Tambar 1, klasse G11, mot Gaular på Osen i går.

Både Tambar 1 og Tambar 2 spelte begge sine kampar mot Gaular i går kveld. Sjå bilder frå kampen til Tambar 1.

" Tambar 1 tok i går turen til Gaular og Osen for å spele kamp mot Gaular 2. Vi hadde litt problem å finne den godt skjulte bana, men fant no fram til slutt. Målsettinga for dagen var å legge vekt på samspel og innsats ........" Les meir

Ny storsiger til smågutelaget

Scora: Martin Skilbrei scora mot Førde 3.

Smågutelaget spelte bortekamp mot Førde 3 i går kveld, og det var lite tvil kor seieren ville hamne. Smågutelaget er dermed forsatt ubeseira i årets serie, og ligg åleine på tabelltoppen i si avdeling. Sjå tabell

" Kveldens kamp blei spelt på Førde sin berømte krøllgrasbane. Om det var bana eller spelerane som gjorde til at ballen spratt i alle retninger, skal ikkje eg seie noko sikkert om, men noen god bane å spele på er det ikkje! " Les meir

06.06.10 Tambarjentene tapte mot Gaular

Frisparkmål: Gaular scora sitt 4-1 scoring på frispark sekundar før kampslutt.

Jentelaget tapte den framskutte kampen mot Gaular på Naustdal stadion i dag. Gaularjentene kunne reisa heim med 4-1, etter at dei hadde leia 2-0 til pause.

I det fine speleværet på stadion, var det gjestane frå Gaular som fekk styre kampen i fyrste omgang. Tambarjentene var stadig på etterskot i duellane, og Gaular kunne med noko tur ha scora eit mål til, då ballen gjekk i stanga etter eit skot frå ein Gaularspelar. Tambar på si side kom til nokre halvsjansar i denne omgangen, men det var greit at gjestane gjekk til pause med ei 2-0 leiing.

I andre omgang var det eit heilt anna Tambarlag vi fekk sjå på bana. Jentene la press på Gaular allerede frå start, og holdt dette utover kampen. Tambar rulla opp det eine angrepet etter det andre, og hadde fortent fleire mål enn det Trine Einevoll scora. Men då Gaular scora sitt tredje mål for kvelden, gjekk nok noko av lufta ut av dei hardtarbeidande Tambarspelarane. Og då sekundar gjenstod av kampen,sette gjestane spikaren i kista. Gaular scorar sitt fjerde mål på eit frispark som gjekk forbi både Tambarmuren og Tambarkeeperen.

Toppscorar: Trine Einevoll scora Tambar sitt mål i kveldens kamp mot Gaular. T.v Eline Cirotzki.

04.06.10 Jentelaget spelar heimekamp på søndag

Søndagskamp: Tambar Fotball sitt jentelag spelar kamp på stadion på søndag. Tambarspelarar
f.v. Eline E.Cirotzki, Oline Paulen og Terse Helle.

Søndag 6.juni spelar jentelaget heimekamp mot Gaular. Kampen er egentleg terminfesta til onsdag 16.juni, men Gaular har då vanskar med å stille lag på grunn av skulearrangement.

Vil du sjå Tambarjentene kjempe om nye poeng, kan vi opplyse om at kampen startar kl. 17.00.

03.06.10 Gutelaget fekk sitt fyrste tap i kveld

Bilde: Torje Herstad (t.h.) scora gutelaget sitt mål i kveldens kamp mot Jølster. T.v, ser vi Andrè
Sølvberg. Bildet er henta frå gutelaget sin kamp mot Hyllestad.

Gutelaget fekk sitt fyrste tap for sesongen, då laget i kveld spelte bortekamp mot Jølster. Kampen enda med ein 5-1 siger til heimelaget, etter at stillinga til pause var 1-1.

Ifylje rapportane frå kampen på kunstgrasbana på Skei, var det ein jamnspelt 1.omgang der begge laga kunne gå til pause med kvar si scoring. I andre omgang var Jølster det beste laget, og der Tambarlaget ikkje heilt hadde dagen. Dermed scora Jølstringane ytterliggare fire mål, og vann kampen 5-1.
Tambar si scoring kom ved Torje Herstad i fyrste omgang.

Med denne seieren kom Jølster heilt opp i ryggen på Tambar. Tambar ligg fortsatt på tabelltoppen med 16 poeng, medan Jølster kom opp på tredje plass med 12 poeng, men med to kampar mindre spelt enn Tambar. Sjå tabell.

03.06.10 Ny stor siger for G 98 i Førde

Bilde: Sigve vart mestscorande då Tambar Fotball sine G98 spelte mot Førde 4 i kveld.

" G12 møtte Førde 4 på Haugum torsdag ettermiddag. Kampen var jamn i starten,  og Tambarskjelvar var forsiktige og slappe i duellane slik at Førde tok initiativet.

Dermed gjekk heimelaget opp i 1-0 og 2-1......." Les meir

02.06.10 Jentelaget slo Høyang 2-0

Bilde: Trine Einevoll (t.v) og Eline Lillehaug var sentrale i kvar sin ende då jentelaget vann mot
Høyang i kveldens kamp på Naustdal stadion. Arkivfoto.

Etter to tap i dei foregåande kampane, fekk jentelaget ein etterlengta seier i kveldens oppgjer mot Høyang. Tambarjentene vann 2-0, etter 0-0 ved pause.

Det vart ein våt og kald kveld for spelarane ute på Naustdal stadion i kveld, utan at det la noko dempar på innsatsen frå Tambarjentene. Laget starta friskt og var flinke å vinne duellane, og tok den spelemessige føringen i kampen. Laget kom til nokre halvsjansar i denne omgangen, men hadde problem å kome seg forbi Høyangforsvaret. På slutten av 1.omgang tok gjestane frå Sogn noko meir over, og Tambarjentene vart meir avventande og ikkje så hissige på å vinne ballane. Høyang var frampå ved eit par høve utan at dette resulterte i mål. Dermed enda ein jamn omgang med 0-0 til pause.

Andre omgang vart også ein jamn affere på stadion, der ingen av laga hadde dei heilt store målsjansane. Men dei siste ti minuttane av kampen, sette Tambar inn nådestøtet mot Høyangjentene. Fyrst jobba Trine Einevoll som ein helt på ein flott stikkball. Duellen vann ho mot Høyangforsvararen, og ballen sette ho fint forbi ein utrusande Høyangkeeper. 1-0 til Tambar, og full jubel både inne og utafor bana. Nokre få minuttar seinare var Terese Helle på farten, og fekk lobba ballen over keeper og i mål. Og då dommaren like etterpå bles av kampen, kunne jentene juble for 2-0 seier og tre poeng.

Kristina, Catrine, Eline L, Iris, Silje Olin, Maria, Caroline, Katrine, Oline, Linda, Terese, Birgitte, Trine og Eline C var med å bidra til seier i kveld. Alle saman gjorde ein flott jobb !

Tambar-Høyang 2-0
1-0 Trine Einevoll ( 70` )
2-0 Terese Helle ( 75` )

God dommar: Espen Eithun Langedal

02.06.10 Sommarbildet

Bilde: Lillejentene og keepertrenar Linda Åmelfot kosar seg med is etter trening sist fredag. Foto: Ivar Longvastøl.

Har du eit sommarbilde ? Send det til heimesida vår !

01.06.10 Tambar vann i Svelgen

Bilde: Lagkaptein og spelande trenar for Tambar, Espen Eithun Langedal, styrde laget inn til ein ny
seier mot Svelgen i kveld. Her i lag med Villy Engebø i kampen mot Hyllestad.

A-laget vann kveldens bortekamp mot Svelgen 2-1, etter å ha leda 2-0 til pause.

I fylje spelande trenar, Espen Eithun Langedal, var det ein tett og jamn kamp mellom dei to laga på den flotte kunstgrasbana i Svelgen. Laga hadde kvar sine omgangar, der Tambar var det førande laget i 1.omgang. Fyrst frampå med scoring var Tomas Andal, som førte Tambar opp i ei 1-0 leiing etter omlag 22.minuttar spelte minuttar. Fem minuttar før dommaren blåste av til pause, var Vegard Savland på veg igjennom Svelgenforsvaret og vart felt. Tambar ropte på straffe, men domaren var ikkje einig i det. På den påfyljande corneren mottok Vegard ballen på femmeteren og brassa ballen elegant i nota, og 2-0 til Tambar.

I andre omgang tok heimelaget meir over føringa av kampen, og fekk redusert til 1-2. Men Tambar gjorde ein god jobb også i denne omgangen, og nekta Svelgen fleire scoringar. Dermed enda kampen med nok ein seier til Tambar. Ein seier som ifylje Langedal var fullt fortent. Meir om kampen finn du på heimesida til A-laget.

Svelgen-Tambar 1-2 (0-2)
0-1 Tomas Andal (22.min)
0-2 Vegard Savland (40.min)
1-2 Svelgenspelar

Andre resultat frå 6.div avd.2 i kveld:
Tempo-Florø2 3-5
Anga-Hyllestad 9-0
Tabell

01.06.10 Tambar Fotball sitt smågutelag er heilt suverene

Bilde: Tambar Fotball sitt smågutelag 2010.

Tambar Fotball sitt smågutelag fortset å gjere reint bord i sine spelte kampar. I går kveld kunne laget returnere med 11-3 i bortekampen mot Gaular. Ifylje vikarierande lagleiar, Henning Malones, hadde Tambar full kontroll på kampen frå start til slutt. Tambar sine må vart sett inn av Daniel Kvalvågnes (3), Ola Rognebakke (2), Erlend Malones (2), Gard Malones (2), Martin Skilbrei og Jacob Storevik.

Smågutelaget er no åleine på tabelltoppen, og har så langt i serien vunne alle sine sju kampar, der dei har solide 71-13 i målforskjel. Det betyr at laget scorar i gjennomsnitt i overkant av 10 mål i kvar kamp! Sjå tabell.

01.06.10 Seier og uavgjort G99-laga

Bilde: Tambar 2 spelte i går uavgjort mot Høyang. Arkivfoto.

Begge laga til Tambar Fotball i klassen G99 gjekk av bana med poeng, i dei to kampane som begge vart spelt på Naustdal stadion.

" Tambar 1 tok i mot Jølster til kamp i Naustdal mandag. I utgangspunktet var dette eit lag som vi forventa hard motstand frå, då dei har gjort det bra i sesongen med fleire store sigrar og kun eit tap. " Les meir

31.05.10 Vann du i Fotball-lotteriet?

Treninga av årets Fotball-lotteri er no unnagjort, der blandt anna ein Scott sykkel til ein verdi av vèl 4500.- kroner fekk ny eigar. I tillegg til sykkelen, var det mange flotte gevinstar i årets lotteri.

Vinnarane i årets Tambarskjelvar Fotball-lotteri.

30.05.10 Småjentelaget nærmar seg tabelltoppen

Bilde: Småjentelaget vann toppkampen mot Gaular 1 og klatrar på tabellen. På bildet ser vi
Tambarspelarane f.v. Silje Olin, Iris og Stephanie.

Tambar Fotball sitt småjentelag spelte fredag kveld kamp mot Gaular 1 på Naustdal stadion. Gaularlaget hadde før denne kampen vunne alle sine fem fyrste kampar, den siste med heile 20-0. Tambar på si side spelte sist veke ein god kamp mot det andre topplaget, Dale, der Tambar fekk eit knepent tap.

" Vi lova å reise kjerringa mot Gaular 1, etter tapet mot Dale.Men, vi møtte eit Gaular-lag, som sist vann 20-0 mot Hyllestad 2.Og eit heitent Tambar-lag følgde taktikken svært bra. Planen var å vinne duellar, og orke meir enn Gaular. Samtidig skulle vi” tore” å spele ballen til kvarandre. "

Les meir

28.05.10 Jenter 12 med storseier mot Svelgen

Bilde: Tambar sitt lillejentelag, J12, med målteft i Svelgen.

" Med ni spelelystne jenter hadde vi teke turen til industribygda innarst i Nordgulen for å måle krefter med Svelgen. Vårt første møte med den nye kunstgrasbana deira var aldri nokon thriller....."

Les meir

27.05.10 Gutelaget med 7-2 seier over Hyllestad

Bilde: Andrè rundar Hyllestadkepperen og set inn sitt tredje for kvelden, og sender med den scoringa
Tambar opp i ei konfortabel 7-1 leiing.

Gutelaget tok nok ein seier då dei i kveld vann 7-2 mot Hyllestad på Naustdal stadion.

Les meir
Bilder frå kampen Tambar-Hyllestad
Tabell

27.05.10 G 98: Strafferedning mot Florø

Bilde: Tambarkeeper Ole Marius redda Tambar for nederlag, etter strafferedninga mot Florø i kveld.

" Ole Marius vart dagens helt då han redda straffespark frå Florø 2 i andre omgang i G12-kampen på Naustdal stadion torsdag."

Les meir om kampen

Bilder frå kampen Tambar-Florø 2

27.05.10 Jentelaget tapte mot Jølster

Bilde: Frå gårdagens jentekamp mot Jølster. Tambarspelarar f.v: Iris Aase, Katrine Apelseth og
Eline Lillehaug.

Jentelaget måtte i går kveld returnere frå Jølster med 0-9 tap, etter å ha møtt eit svært effektivt og heldig heimelag. Til pause var stillinga 5-0.

Utifrå resultatet skulle ein tru at Tambarjentene vart rundspelt i denne kampen på kunstgrasbana på Skei stadion. Men slik var det ikkje. Tvert imot spelte Tambar mykje fin fotball med fine kombinasjoner og gode bevegelsar fram mot Jølster sin 16 meter. Der vart laget som oftast for utolmodige og avslutta for tidleg på mål dei fleste gongane.

Jølster på si side satsa på lange ballar fram til spissen sin, som var eit heilt angrep åleine, noko som viste seg å være ganske så effektivt mot Tambarforsvaret. At heimelage fekk ein del enkle mål der to av måla var offside og Tambar missa på eit straffespark, viser at både spelarar og dommarar børe være fokuserte kampen igjennom.Men alt i alt var heimelaget det mest effekive laget i dag, og vann kampen fortent.

25.05.10 Tambar med full kontroll mot Hyllestad

Bilde: Tambar sin målgarantist, Vegard Savland, var ein stadig trussel for Hyllestadforsvararane. Her ser vi han frampå,
men utan å få mål i denne situasjonen.

Tambar hadde ikkje problem med å dra i land ein ny trepoengar, då laget i kveld møtte Hyllestad på Naustdal stadion. Tambar, med Vegard Savland i spissen, vann til slutt 5-0, etter å ha leda 3-0 til pause.

Tambar hadde fullstendig komandoen i fyrste omgang, der gjestane frå Hyllestad vart stoppa kontant av eit solid Tambarforsvar og ikkje fekk sette Tambarkeeper, Olav Hundershagen, på ein einaste prøve gjennom heile omgangen. Framover på bana var sjølvsagt Vegard Savland ein konstant trussel for Hyllestadforsvaret, som hadde store problem med den lille store Tambarspelaren.

Dei fyrste 10-15 minuttane av andre omgang forsette Tambar som i fyrste, der heile laget stod fram som sjefen over alle sjefar. Og sjefen på topp, Vegard, fornekta seg heller ikkje i denne omgangen. Med to flotte scoringar i starten av omgangen, trudde vi på sidelinja at dette kunne bli meir enn vi hadde kunne håpa på.

Men resten av omgangen vart ein heller kjedeleg skue. Tambarlaget såg ut til å gira noko ned på tempoet, og dermed kom Hyllestad meir inn i kampen. Men utan at gjestane å klarte å skape noko som helst framfor Olav.

Dermed enda kampen med ein konfortabel 5-0 seier til Tambar. Hadde laget forsett andreomgangen slik dei gjorde i fyrste, hadde nok seieren kunne blitt ein del større.

Fleire bilder frå kampen ( Slideshow )

Scoringane kom slik:
1-0 Vegard Savland (15`)
2-0 Vegard Savland (20`)
3-0 Thomas Tefari (40`)
4-0 Vegard Savland (47`)
5-0 Vegard Savland (57`)

Andre resultat 6.div.Avd.2:
Florø2-Anga 1-4
Svelgen-Gaular2 5-2

25.05.10 Knepent tap for Tambar 2

Trenar for Tambar 2, Oddvar Hukset, har sendt oss denne rapporten frå deira kamp i Florø i går:

" Mandag spelte Lillegut 11 ( lag 2 ) mot Florø1  i Florø. Utan gutane frå 2000 som spelte miniputturnering, var det litt knapt med innbyttarar. Fleire spelarar fekk tidleg strekktendensar, og kombinert med kald vestavind, såg underteikna ei stund litt mørkt på situasjonen. I første omgang kom Florø best i gang, men vi kom sterkt tilbake og utlikna til 3-3 før pause. Laga fortsatte å veksle mellom å styre kampen i andre omgang, men etterkvart braut Florø lettare og lettare igjennom forsvaret, og fekk satt fire scoringar til. Som vanleg tok gutane tak mot slutten, og med to nettkjenningar til, vart sluttresultatet 7 - 5 til Florø.

Det var mykje bra spel å glede seg over for alle frammøtte. Gutane våre hadde flott samspel, gode ballvekslingar som spelte Florøforsvaret heilt ut, og strålande enkeltprestasjonar. Thomas leverte målvaktarbeid av klasse, og redda laget frå ein styggare målforskjel. Denne gangen vart det mål på corner også; Samson slo inn, og Elias heada i mål.

Tambar2 laget: Thomas, Steffen, Martin, Daniel, Elias, Samson, Jakob og Jesper. Målscorarar; Jesper, Jakob, Elias og Samson. "

Bilde: Aleksander

25.05.10 Storseier til Tambar 1

Trenar for Tambar 1 i klassen G99, Jan Inge Rygg, har sendt oss fyljande rapport frå kampen mot Florø 3 i går:

" Lillegut 11 laget til Tambar spelte kamp mot Florø 3 mandag. Sidan 2000-gutane var opptatt med Konglerike turneringa reiste vi til Florø med eit reint 99-lag. Kampen åpna jamnt med mykje bra samspel av begge lag. Tambar pressa likevel Florølaget og hadde mange fine sjansar, men ein god Florøkeeper nekta oss leiinga før om lag halveis ut i omgangen då Aleksander fekk kjempa inn ballen etter corner. Elias auka til 2-0 og dette var også pauseresultatet.

 Etter ein etterlengta pause virka det som Tambargutane fekk ekstra krefter og tok etter dette endå betre kontroll over kampen. Vi fekk til mykje fint småspel og dette resulterte i mange pene mål. Til slutt stod det 8-1 til Tambar i målprotokollen og det var ein fornøgd gjeng som returte til Naustdal.

 Med på laget var Samson, Even, Elias, Aleksander, Ole Andre, Thomas, Sivert og Jakob. Måla vart scora av Elias, Sivert, Aleksander og Jakob. "

25.05.10 Daniel med sju fulltreffarar mot Jølster

Bilde: Daniel Kvalvågnes ( t.h.) scora alle måla til smågutelaget, då dei slo Jølster 7-1.

Det som muligens skulle bli ein toppkamp, då smågutane møtte Jølster til kamp på Naustdal stadion i går kveld, skulle vise seg å verte ein kamp Tambargutane hadde full kontroll på. I tillegg varta måljegeren, Daniel Kvalvågnes, opp med scoringsshow og laga alle Tambar sine sju mål. Ein nøgd smågutetrenar, Vidar Kvalvågnes, seier dette om kampen:

" I kveldens kamp mot Jølster forventa vi at mostanden skulle bli tøff, sidan Jølster har vist seg som et av dei bedre laga i pulja vår.

Vi åpna kampen bra og pressa Jølst over på deffansiven, så det varte ikkje lenge før den første ballen låg i nota. Vi fortsatte presset og berre nokre minutt etter var ledelsen dobbla. Så jamna kampen seg litt ut, uten at Jølst kom til dei store sjansane. Like før pause auka vi ledelsen til 3-0

Andre omgang hadde vi full kontroll og auka ledelsen til 7-0, før Jølst fekk et trøstemål heilt på slutten av kampen. Dermed vart sluttresultatet 7-1 til Tambar.

Målskorer idag var Daniel, som faktisk laga alle måla til Tambar. "

25.05.10 Bilder frå Kongleriket Cup og "Reint Tambarskjelvar"

Bilde: Desse tre Tambargutane var godt nøgde med at Tambarskjelvar IL har fått eige flaskevatn.

Nokre bilder frå Kongleriket Cup og lanseringa av "Reint Tambarvatn".

24.05.10 Vellukka Kongleriket Cup..... og vatnlansering

Bilde: Frå dagens Konglerike Cup på Naustdal stadion.

Været vart bedre enn frykta, då Kongleriket Cup vart arrangert på Naustdal stadion i dag. Sjølv om gradestokken ikkje klarte å kome over 10 grader i dag, unnslapp ein heldigvis dei store nedbørsmengdene.

Arrangørane melder om at det meste denne dagen gjekk knirkefritt. Turneringsgeneralane Gunnar Naustdal og Bjørn Hundershagen hadde god kontroll, både på og utafor bana. Tilbakemeldingane er også gode frå dei tilreisande laga, og dei unge fotballspelande gutane og jentene såg ut til å kose seg sjølv om ein ikkje kunne skryte av å ha sommartemeraturar Naustdal stadion denne dagen.

Nokre bilder frå Kongleriket Cup kjem i løpet av kvelden.

Bilde: Naustdals ordførar, Myrvang, overrekker blomster til leiar i Tambar Fotball, Hundershagen,
for initiativet han har hatt i høve " Reint Tambarskjelvar".

Under dagens Kongleriket Cup vart det nye vatnet til Tambarskjelvar IL, " Reint Tambarskjelvar", lansert. Ordførar Myrvang gav ros til bl.a. ein av initiativtakarane til produktet, Bjørn Hundershagen, og i tillegg kommunen, Vardar og Tambarskjelvar IL for å støtte opp om ei sunnare holdning på arrangementa til idrettslaget.

Bilde: Anne Schei ( Vardar ) og Jørn Helgheim ( Leiar Tambarskjelvar IL ) er klar til å dele ut dei
fyrste eksemplar av idrettslaget sitt vatn på flasker. Deltakarar på Kongleriket Cup har teke
oppstilling for å sikre seg ei vatnflaske.

24.05.10 Tambarskjelvar lanserer eige vatn

Bilde: Slik ser flaskene til Tambarskjelvar ut. "Reint Tambarskjelvar" vert lansert på dagens Kongleriket Cup.

Som sikkert dei fleste har fått med seg, kutta Tambarskjelvar IL ut salg av brus på alle sine arrangement i fjor sommar. På fotballkampar, turneringar og andre arrangement på stadion har ein i ei tid berre kunne få kjøpe det sunne alternativet.

Tambarskjelvar har no teke enda eit skritt framover. Iniativtakar og leiar for Tambar Fotball, Bjørn Hundershagen, har ilag med Naustdal kommune og Vardar fått laga eigne vatnflasker. Flaskevatnet har fått navnet " Reint Tambarskjelvar " der bilde av Budeia, stranda og kyrkja prydar flaska. Vatnet vil ein kunne få kjøpe i "Vaffelbua" på stadion ved kampar og andre arrangement.

Lansering av " Reint Tambarskjelvar " vil skje under Kongleriket Cup på Naustdal stadion i dag (2.pinsedag) kl.12.00. Dei nylanserte flaskene vil verte delt ut til alle deltakarane av dagens miniputturnering. Under lanseringa vil bl.a. både ordførar og presse vere tilstades.