09.06.10 Jentelaget vann borte mot Hyllestad i kveld

Tambarjenter: Jentelaget vann i kveld bortekampen mot Hyllestad.

Tambar Fotball sitt jentelag vann i kveld bortekampen mot Hyllestad 3-0, etter å ha leda 2-0 til pause.

Jentene spelte ein god kamp mot laget frå Ytre-Sogn, og hadde bra kontroll på kampen. Tambar tok leiinga 1-0 ved toppscorar Trine Einevoll, medan småjentespelar og jentespelar Iris Aase la på til 2-0.

I andre omgang fastsette Terese Helle sluttresultatet til 3-0. Dermed har jentene spelt alle sine kampar for vårsesongen, som enda med tre seierar og fire tap. Neste kampar for jentelaget sin del, vert kampar på Ekebergsletta og Norway Cup i begynnelsen av august.

06.06.10 Tambarjentene tapte mot Gaular

Frisparkmål: Gaular scora sitt 4-1 scoring på frispark sekundar før kampslutt.

Jentelaget tapte den framskutte kampen mot Gaular på Naustdal stadion i dag. Gaularjentene kunne reisa heim med 4-1, etter at dei hadde leia 2-0 til pause.

I det fine speleværet på stadion, var det gjestane frå Gaular som fekk styre kampen i fyrste omgang. Tambarjentene var stadig på etterskot i duellane, og Gaular kunne med noko tur ha scora eit mål til, då ballen gjekk i stanga etter eit skot frå ein Gaularspelar. Tambar på si side kom til nokre halvsjansar i denne omgangen, men det var greit at gjestane gjekk til pause med ei 2-0 leiing.

I andre omgang var det eit heilt anna Tambarlag vi fekk sjå på bana. Jentene la press på Gaular allerede frå start, og holdt dette utover kampen. Tambar rulla opp det eine angrepet etter det andre, og hadde fortent fleire mål enn det Trine Einevoll scora. Men då Gaular scora sitt tredje mål for kvelden, gjekk nok noko av lufta ut av dei hardtarbeidande Tambarspelarane. Og då sekundar gjenstod av kampen,sette gjestane spikaren i kista. Gaular scorar sitt fjerde mål på eit frispark som gjekk forbi både Tambarmuren og Tambarkeeperen.

Toppscorar: Trine Einevoll scora Tambar sitt mål i kveldens kamp mot Gaular. T.v Eline Cirotzki.

02.06.10 Jentelaget slo Høyang 2-0

Bilde: Trine Einevoll (t.v) og Eline Lillehaug var sentrale i kvar sin ende då jentelaget vann mot
Høyang i kveldens kamp på Naustdal stadion. Arkivfoto.

Etter to tap i dei foregåande kampane, fekk jentelaget ein etterlengta seier i kveldens oppgjer mot Høyang. Tambarjentene vann 2-0, etter 0-0 ved pause.

Det vart ein våt og kald kveld for spelarane ute på Naustdal stadion i kveld, utan at det la noko dempar på innsatsen frå Tambarjentene. Laget starta friskt og var flinke å vinne duellane, og tok den spelemessige føringen i kampen. Laget kom til nokre halvsjansar i denne omgangen, men hadde problem å kome seg forbi Høyangforsvaret. På slutten av 1.omgang tok gjestane frå Sogn noko meir over, og Tambarjentene vart meir avventande og ikkje så hissige på å vinne ballane. Høyang var frampå ved eit par høve utan at dette resulterte i mål. Dermed enda ein jamn omgang med 0-0 til pause.

Andre omgang vart også ein jamn affere på stadion, der ingen av laga hadde dei heilt store målsjansane. Men dei siste ti minuttane av kampen, sette Tambar inn nådestøtet mot Høyangjentene. Fyrst jobba Trine Einevoll som ein helt på ein flott stikkball. Duellen vann ho mot Høyangforsvararen, og ballen sette ho fint forbi ein utrusande Høyangkeeper. 1-0 til Tambar, og full jubel både inne og utafor bana. Nokre få minuttar seinare var Terese Helle på farten, og fekk lobba ballen over keeper og i mål. Og då dommaren like etterpå bles av kampen, kunne jentene juble for 2-0 seier og tre poeng.

Kristina, Catrine, Eline L, Iris, Silje Olin, Maria, Caroline, Katrine, Oline, Linda, Terese, Birgitte, Trine og Eline C var med å bidra til seier i kveld. Alle saman gjorde ein flott jobb !

Tambar-Høyang 2-0
1-0 Trine Einevoll ( 70` )
2-0 Terese Helle ( 75` )

God dommar: Espen Eithun Langedal

27.05.10 Jentelaget tapte mot Jølster

Bilde: Frå gårdagens jentekamp mot Jølster. Tambarspelarar f.v: Iris Aase, Katrine Apelseth og
Eline Lillehaug.

Jentelaget måtte i går kveld returnere frå Jølster med 0-9 tap, etter å ha møtt eit svært effektivt og heldig heimelag. Til pause var stillinga 5-0.

Utifrå resultatet skulle ein tru at Tambarjentene vart rundspelt i denne kampen på kunstgrasbana på Skei stadion. Men slik var det ikkje. Tvert imot spelte Tambar mykje fin fotball med fine kombinasjoner og gode bevegelsar fram mot Jølster sin 16 meter. Der vart laget som oftast for utolmodige og avslutta for tidleg på mål dei fleste gongane.

Jølster på si side satsa på lange ballar fram til spissen sin, som var eit heilt angrep åleine, noko som viste seg å være ganske så effektivt mot Tambarforsvaret. At heimelage fekk ein del enkle mål der to av måla var offside og Tambar missa på eit straffespark, viser at både spelarar og dommarar børe være fokuserte kampen igjennom.Men alt i alt var heimelaget det mest effekive laget i dag, og vann kampen fortent.

20.05.10 Jentelaget tapte mot Førde

Bilde: Trine Einevoll og jentelaget fekk det tøft mot eit godt Førdelag då laga møttes til kamp i går.

Tambar Fotball sitt jentelag tapte i går kveld 6-0 mot eit godt Førdelag. Kampen vart spelt på kunstgrasbana på Førde stadion, og heimelaget leda 4-0 til pause.

Det var Førdejentene som tok komandoen i kampen frå start av, og allerede etter nokre få minuttar ut i kampen scora dei sitt fyrste mål. Førde forsatte presset mot Tambar, som vart liggande langt bakpå for å prøve å demme opp for dei mange Førdeangrepa. Utover i omgangen scora Førde ytterliggare tre gonger, slik at laga gjekk til pause med ei 4-0-leiing til vertane.

I andre omgang kom Tambar meir med i spelet, og jentene fekk sett laget høgare opp på bana. Dermed vart det også meir aktivitet utafor 16-meteren til Førdekeeperen, noko som fort kunne ha enda med både eit og fleire mål. Men diverre for dei hardtarbeidande Tambarjentene lukkast dei ikkje i dei avgjerande fasane. Det gjorde derimot Førde, som scora 2 mål i denne omgangen med to langskot som som fann målnota bak Kristina Nyman i Tambarmålet.

Dermed enda kampen mot Førde med ei konfortabel seksmålsseier til heimelaget. Sjølv om seieren til Førdejentene var fortent, fekk dei nokre lette mål i fyrste omgang. Tambarjentene skal ha ros for å aldri gi opp, og heva seg fint i andre omgang der dei hadde fortent nokre scoringar for den gode innsatsen frå samtlege spelarar.

Neste mulighet for ein ny trepoengar for Tambarjentene er mot Jølster borte, onsdag 26.mai.

Resultat J15/16 1.div avd.2:

Florø-Høyang 6-0
AHIL-Jølster 7-0
Førde-Tambar 6-0

Tabell

12.05.10 Seier til jentelaget i jamn kamp

Bilde: Jentelaget vann i kveld mot Askvoll/Holmedal. Her ser vi Birgitte Nordnes i kamp med to
av jentene til Askvoll-laget.

Tambar Fotball sitt jentelag tok i kveld mot Askvoll/Holmedal til kamp på Naustdal stadion. Det var to jamne lag som kjempa om sine fyrste poeng, der Tambar til slutt drog det lengste strået. Tambarjentene vann til slutt kampen 3-2, medan det stod 2-2 til pause.

Det var Tambar som kom best i gang i det fine været på stadion i kveld. Jentene spelte seg fort til nokre halvsjansar, heilt til Terese Helle sendte avgårde eit ikkje altfor hardt skot. Men ballen bua fint over AHIL-keeperen og i mål. Dermed fekk laget den starten dei håpa på, og laget forsatte å presse gjestane. Men ein ballmiss på midtbana etterfulgt av eit langskot frå ein AHIL-spelar, klarte å snike seg like over fingerspissane til Tambarkeeper Kristina Nyman og i mål, og 1-1.

Tambar forsette å presse gjestane langt tilbake på bana, og var stadig frampå med fleire bra muligheiter. Mål vart det då Trine Einevoll kom seg fri på høgrekanten, lurte av ein AHIL-spelar og fyrte laus. Ballen plasserte seg fint i hjørne til venstre for keeper og i nota. Dermed var Tambar igjen i føringa med 2-1.

Men AHIL gav svar på tiltale, og ikkje lenge etter perla frå Trine klare dei å pirke ballen i mål, etter rot og misforståelsar i dei bakre Tambar-rekkjer. Laga var no likt att med 2-2, eit resultat som heldt seg fram til pause.

Andreomgangen vart jamn og sjansefattig, der det meste av spel og kjemping føregjekk mellom dei to sekstenmeterane. Det avgjerande målet kom omlag 10 minuttar før kampslutt. Trine Einevoll var igjen på farten, denne gongen på venstrekanten. Ho mottok ein kort lagt corner, vendte om og la an skuddfoten. AHIL-keeperen kunne lite gjere, og Tambarjentene kunne på ny juble for 3-2 leiing. Fleire mål vart det ikkje i kampen, og jentelaget kunne dermed heva armane for ein heilt fortent seier og sine fyrste poeng i årets serie.

God dommar var Joar Vefring.

Sjå lagbilde av Tambarjentene

Resultat J15/16 1.div avd2:
Jølster-Florø 1-1
Høyang-Gaular 5-2
Førde-Hyllestad 6-1
Tambar-AHIL 3-2
TABELL

05.05.10 God kamp av jentelaget, trass 3-1 tap

Bilde: Frå jentelaget sin kamp mot Florø i kveld. Tambarspelarane er f.v. Catrine Nøstdal, Eline
Lillehaug, Linda Stuhaug og Terese Helle.

Tambar Fotball sitt jentelag sesongåpna i kveld med bortekamp mot Florø, der heimelaget kunne gå av bana med ein 3-1 seier.

Det var ein svært dårleg start for Tambar på krøllgraset i Florø, der dei måtte sjå to ballar i nota frå heimelaget etter 10 minuttar spel. Tambarjentene kom seg etterkvart av sjokket, og tok meir og meir over spelet på bana. Og det var fullt fortent då Birgitte Nordnes lurte av ein Florøforsvarar og storma mot mål. Med keeper som einaste hindring, plasserte ho ballen til høgre for Florøkeeperen og i nota. Eit flott mål !

Tambar fortset å pressa på, og lot ikkje Florø koma til mange sjansar i resten av denne omgangen. Det som kom av forsøk frå vertane, ordna det gode forsvaret eller den gode Tambarkeeper Karoline Salbu opp i.

I andre enden kunne Tambar med litt tur ha scora både to og tre, bl.a. hadde Trine Einevoll ein stor sjanse som gjekk like utafor Florømålet.

Andreomgangen starta med eit stort Florø-trøkk og Tambarjentene var noko på gyngande grunn i denne perioden. Dette resulterte at Florø fekk putta nok eit mål, og gjekk opp i ei 3-1 leiing. Men Tambar kom igjenn inn att i kampen og kampen jamna seg meir ut, der begge lag kom til ein del sjansar. Dei to største sjansane for Tambar i denne omgangen var då Trine vann att ballen like utafor 16 meteren og fyrte laus. Florøkeeperen fekk fingerspissane på ballen som strauk stonga. Og då Terese forserte forbi tre-fire Florøspelarar og var åleine med keeper. Uheldigvis for Tambar vart skotet til Terese redda.

Trass tap for jentelaget i Florø i kveld, gjer jentene ein godkjend kamp. Ein stilte til kamp med berre ein innbyttar, og med ein skade rett før pause hadde ikkje laget innbyttarar i andre omgang. Laget greier seg fint i kampen mot Florø, ein kamp som fort kunne ha bikka begge vegar. Tambarlaget vil nok koma sterkare att, og laget vil nok plukka jamt og trutt med poeng. Men det forutset sjølvsagt at ein har nok spelarar til ein kvar tid. Neste kamp for Tambarjentene er mot Askvoll/Holmedal på Naustdal stadion onsdag 11.mai kl.19.00.

Desse spelarane var med mot Florø: Keeper: Karoline Salbu. Forsvar: Catrine Nøstdal - Eline Lillehaug - Katrine Apelseth - Linda Stuhaug. Midtbane: Iris Aase - Oline Paulen - Terese Helle - Silje Olin Yksnøy - Birgitte Nordnes. Angrep: Trine Einevoll - Tanja Nygård.

27.04.10 Knepent tap for jentelaget

Bilde: Jentelaget med bl.a. Eline,Martine og Maria tapte knepent i treningskampen mot Gaular.

Tambar Fotball sitt jentelaget tapte i kveld 1-0 mot Gaular i ein treningskamp som vart spelt på Naustdal stadion.

Det var ingen velspelt kamp vi fekk oppleve på stadion i kveld, mellom dei to laga som også møtest seinare i seriekamp denne sesongen. Det meste føregjekk på midtbana, og keeperane i begge endar hadde ein heller roleg kveld. Minuttet før dommaren, Nils Paulen, skulle blåse av kampen fekk Gaular frispark like utafor Tambars 16 meter. Galarspelaren traff klokkeklart og sendte ballen fint over Tambarkeeperen. Dermed vann gjestane frå Gaular den siste treningskampen for laga 1-0, før seriespelet startar for begge lag neste onsdag.

12.04.10 Jentelaget med ein seier og eit tap

Bilde: Tambar sitt jentelag i aksjon mot vertane Florø i helga.

Tambar sitt jentelag var i Florø sist lørdag, der dei spelte treningskampar mot Eikefjord sitt damelag og jentelaget til Florø.

I kampen mot Eikefjord hadde Tambarlaget noko startvanskar, og det var damene frå Eikefjord som kunne gå i leiinga etter omlag halvspelt 1.omgang. Etterkvart fekk også Tambarjentene fart på ball og føter, og utligna til 1-1 nokre minuttar etter. Men like før pause var motstandarane frampå igjen og scora nok eit mål. Dermed gjekk laga til pause med ei 2-1 leiing til Eikefjord.

Etter pause vart det fort klart at dette var Tambar sin omgang. Med fire fulltreffarar i denne omgangen hadde jentelaget full komtroll på dei noko eldre spelarane frå Eikefjord. Trine Einevoll og Martine Mallasvik scora henholdsvis 2 og 3 mål i denne kampen, som enda med 5-2 til Tambar.

Ein time seinare var det klart for møte mellom jentelaga til Tambar og Florø. Med to kjappe scoringar til vertane tidleg i kampen, gjekk noko av lufta ut av Tambarballongen. Med nok ei scoring til vertane, leda dei 3-0 til pause.

I andre omgang hang Tambar bra med, men klarte ikkje unngå at Florø scora to mål i denne omgangen også. Dermed vart det eit 5-0 tap mot laget som jentene møter i sin fyrste seriekamp, 5.mai.

Tambar hadde vanskar med å stille lag til helgas treningskampar, og spelte begge kampane utan innbyttarar !

Bilde: Desse jentene spelte på Tambar sitt lag i helgas treningskampar.

23.03.10 Jentelaget vann mot Eikefjord-damene

Bilde: Terese Helle, Eline E.Cirotzki ( t.h. i Førdedrakt) og Tambar sitt jentelag vann kveldens
kamp mot damelaget til Eikefjord.

Tambar Fotball sitt jentelag vann i kveld 4-1 over eit kombinert dame-/ jentelag frå Eikefjord, som vart spelt på kunstgrasbana i Eikefjord. Til pause var stillingen 0-0.

Dette var fyrste treningskamp av året for Tambarjentene, men hadde bra kontroll på motstandaren kampen igjennom. Det var ikkje det heilt store spelet av nokon av laga i den fyrste omgangen, og ein kunne sjå at dette var fyrste kamp for begge laga. Etter pause betra spelet seg noko, og i periodar såg ein bra spel av begge lag. Men det var Tambar som hadde taket på kampen, der samtlege jobba godt og vart belønna med fire scoringar.
Måla til Tambar vart scora av Eline E.Cirotzki(2), Trine Einevoll og Linda Stuhaug.